تعوا سوى ننشر الصورة الحلوة عن بشري والبشرانية.
كتب داني جعجع على صفحته عبر فايسبوك:
دعوة من قلب القلب لأهلي وإخواتي ببشري…
تعوا سوى ننشر الصورة الحلوة عن بشري والبشرانية.
خلونا نوقف القرف عا وسائل التّواصل الاجتماعي إذا حداً منا بيشوف كيس زبالة ع جنب الطريق يلمّوا ويحطّو محلّو بدل ما يصوّر وينزّل عالتواصل الاجتماعي.
إذا في شي حدا عمل غلط خلونا نحكي معو ونصلح الغلط بدل ما نشهر فيه عالتواصل الاجتماعي وما نعود نحكي مع بعضنا.
خلونا ننشر صورة بشري الثقافة والعلم، بشري الطبيعة الخضرا والجبال،بشري وادي القديسين، بشري الجبال البيضا وقرنة الشهدا،بشري التزلج، بشري التاريخ والحضارة والآثار،بشري الفن والمطاعم والمقاهي، بشري السياحة، بشري الحياة والفرح والسهر، بشري المهرجانات، بشري النظافة، بشري البيئة والمناخ ، بشري الكرم والضيافة،، بشري الأطبا والمهندسين والمحامين والشعراء والمثقفين والإعلاميين بشري العلم،بشري جبران خليل جبران،بشري المواهب، بشري الأرز، بشري أرزة لبنان، بشري الشعب الطيب والمثقف والمحترم والمضياف…
يلا سوى ننشر الصورة الحلوة عن بشري السلام والسياحة …بشري المحبة والتواضع…
بشري الاهلا برب ربّك…
وهيك عالاكيد بترجع بشري أحلى ماكنت بإذن الله.
وارفق الدعوة بالصور التالية.
